અમેરિકાના રાષ્ટ્રપતિ ડોનાલ્ડ ટ્રમ્પની સરકારે ગેરકાયદે વસવાટ કરતાં ઇમિગ્રન્ટ્સ વિરુદ્ધ કડક કાર્યવાહીની શરૂઆત કરી છે. હવે આ કવાયત માત્ર વોચદારી સુધી સીમિત રહી નથી, પરંતુ સરકારે મોટાપાયે દંડ ફટકારવાનું શરૂ કર્યું છે.
તાજેતરમાં અમેરિકાની ઇમિગ્રેશન ઑથોરિટીએ અંદાજે 4500 જેટલા ગેરકાયદે વસવાટ કરતાં લોકોને કુલ મળીને આશરે 50 કરોડ ડૉલરનો દંડ ફટકાર્યો છે. ખાસ વાત એ છે કે કેટલાક વ્યક્તિઓને પ્રતિદિન 998 ડૉલર જેટલો દંડ ફટકારવામાં આવી રહ્યો છે, જે પાંચ વર્ષના સમયગાળામાં 18 લાખ ડૉલર જેટલો થાઈ જાય છે.
આ દંડની પાછળનું મુખ્ય કારણ છે અમેરિકામાં ડિપોર્ટેશનનો આદેશ હોવા છતાં ત્યાં જ રહેવું. નોટિસ મુજબ, જો કોઈ ઇમિગ્રન્ટએ સ્થળાંતર થવાની જગ્યાએ અમેરિકામાં જ વસવાટ કરવાનું પસંદ કર્યું છે, તો તેમને આ નવો દંડ ભોગવવો પડશે.
ટ્રમ્પ સરકારે સેલ્ફ-ડિપોર્ટેશન (અર્થાત્ પોતાના ઇચ્છાથી દેશ છોડવું) માટે લોકોને પ્રોત્સાહન આપવા માટે દંડની જોગવાઈ ઘડી છે. સરકારનો માનસ એ છે કે એવા લોકો પર દંડ મૂકીને તેઓને દેશ છોડવા માટે દબાણ ઊભું થાય.
નોટિસ મળ્યા બાદ 30 દિવસની અંદર જવાબ આપવો ફરજિયાત છે. આ જવાબમાં અથવા તો તો ડિપોર્ટેશનનો આદેશ સ્વીકારીને અમેરિકા છોડવાની તૈયારીઓ બતાવવી પડશે અથવા દંડ લાગુ ન થાય તે માટે માન્ય કારણો પુરાવા સાથે રજૂ કરવાના રહેશે.
જો દંડ ચૂકવવામાં નિષ્ફળ રહેવામાં આવે, તો તેમનો મિલ્કત જપ્ત કરવાની પણ શક્યતા છે.
ટ્રમ્પ સરકારની આ નીતિ કેટલાક માટે અત્યંત કઠોર બની રહી છે, તો કેટલીક રીતે એ દેશની ઇમિગ્રેશન નીતિમાં નિયમશાસ્ત્ર લાવવાનો પ્રયાસ પણ ગણાય છે.
